Endelig rulling i sjø!
Vi har brukt mange timer på å terpe på ruller i bassenget i vinter. Eg har vore ganske spent på om rulla også ville fungere i det kalde sjøvatnet og med fullt utstyr. I dag var tida koma for å prøve, og gleda var stor når det gjekk på første forsøk! Etterkvart la eg også dykkermaska vekk. Også eit par andre i klubben testa rulla i sjøen i dag. Her er ein liten videosnutt frå dagens rulleøkt.
Påsketur i Eiksund
Herøy kajakklubb inviterte i dag til ein rolig påsketur, med høg kosefaktor i Eiksund. Åtte medlemmer møtte ved småbåthavna, og etter ei lita økt med påkledning og sjøsetting, la vi i veg i retning Selvågane.
Veret var strålande, med sol og for det meste rolige vindforhold. Det blei mykje snirkling, inn i kriker og kroker og under sjøbuer.
Eg syns denne vesle sjøbuda er utrulig sjarmerande, og etter å ha padla under den er eg ikkje mindre sjarmert! Berre sjå på bjelkane som ber golvet! 
Etter å ha utforska Selvågane ei stund, var det tid for ei pause i sola. Vi gjekk i land, og drog kajakkane opp på berget. Matpakker og termosser blei leita fram, og etter ei lita stund brann bålet godt.
Etter matøkta var vi klare for å ta åra fatt på nytt. Vi kryssa Selvågdjupet over til Eika, og padla innover mot Eiksund igjen. Også langs Eika er det flust med kriker og kroker å utforske.
Undervegs blei det også tid til å teste rulleferdighetene som vi har terpa på i bassenget i vinter. Eg har vore litt spent på om rulla ville fungere "i det virkelige liv" også, og begeistringa mi var stor når den satt på første forsøk!
Fotoalbum: Tor Inge Warholm
Rundetur på påskeafta
I dag var det klubbtur med Herøy kajakklubb til Runde. Vi var tre som møtte; Tor Inge, Jan og eg. Vergudane hadde stått opp med rette foten i dag, så det var strålande sol og lite vind. Vi skulle likevel ikkje padle langt før vi fekk smake litt på storhavet!
For meg som har testa Greenlanden mest i basseng dei siste månadane, blei dette ei skikkelig treningsøkt. Fekk virkelig kjørt meg med både hoftearbeid og støttetak. Heldigvis har eg hatt ein ivrig 7-åring med i bassenget i vinter, som har sett det som si oppgåve å syte for at mora får jobba med støttetaka sine.
Det blir smått med bildetaking under slike forhold. Har ikkje så lyst å sleppe åra når eg sit mellom tunge havdønninger. Først når vi var framme ved fuglefjellet og la oss i flåte, fekk eg tatt nokre bilder. Då er det sjølvsagt typisk at det på bilda ser ut som det er tilnærma flatt hav…. 
Det var greitt med "støttehjul" ei lita stund før vi padla tilbake. Då kunne eg både få teke litt bilder, kvile litt, og få nyte naturen ei lita stund.
I fuglefjellet var det full aktivitet. Havsulene jobba med reirbygging, og fleire ørner sirkla rundt over Rundebranden.
Mot slutten av turen fekk karane leika seg litt i bølgene.
Sjekk oss ut på Facebook
Devold
Herøy Næringsforum
Sparebank1 Herøy
Sparebanken Møre
Yst ute
