Tirsdag 25.10.11 Satte Tomas og Andre ut på ein kveldstur. Vi starta på småbåt havna på Moltu i hall fem tida. Vi såg raskt at mørket seig på, so vi bestemte oss for å halde oss i området rundt småbåt havna. Vi trente på ein del teknikk medan vi padla rundt holmane i området. Sola gjekk raskt ned og vi fekk oppleve eit fantastisk lys i horisonten. Fortsett å lese
Herøy Kajakklubb
Hav, du er min venn som eg lengtar etter og som gjev meg ro i sjela. Ingenting er som å kvile i di kjærlege famn!
Filed under Trening, hav …
Assistent på grunnkurs hav
Etter ei helg med intensivt eksamensarbeid, var det lett å seie ja, når Tor Inge spurte om eg ville vere assistent under eit grunnkurs i padling i går. Vi heldt til i pollen innanfor Straumane, og trente på svingteknikkar og redning. Litt tull og tøys blei det sjølvsagt også tid til.
Tor Inge demonstrerer "kiss the bow".
Då forsøket endte med velt, framkalla det spontan applaus frå kursdeltakarane.
"Kiss the bow" har eg aldri prøvd før, så etterpå var det sjølvsagt min tur. Med ein lavvolums grønnlandskajakk vart det eit skikkelig vått kyss! Turen fram til baugen gjekk fint, og turen tilbake til cockpit likeså. Å kome seg nedi cocpiten igjen derimot, endte med velt. I staden for å gå ut av båten, re-entra eg og prøvde å rulle. Første forsøket gjekk ikkje heilt, og eg for under igjen. Mens eg la åra på plass for eit nytt forsøk, såg eg capsen min på veg mot botnen. Eg sleppte raskt åra, og klarte å nå den før den forsvann. Eg var ganske fornøgd då andre rulla fungerte, og eg kunne kome opp igjen med capsen på.
Kursdeltakarane tok også utfordringa. Det resulterte i ein del bading, og medfølgande øving på egenredning og kameratredning.
Kveldstur til Varholmen
I kveld hadde vi ein flott kveldstur i strålande vårsol! Målet for turen var å trene litt på redningar og kose oss, noko som vi klarte med glans. Med på turen var Eg, Mildrid, Jon-Oli, Jan, Christer, Eldar og ein besøkande nybegyndar frå Langevågen.
Vi satt ut frå Toftestøa og padla mot Torvholmen, fortsatte så langs land forbi Flåvær, Husholmen før vi for mot sørsida av Varholmen, Der var eg så heldige at eg fikk meg to herlige sidesurfer på nokre dønningar som braut over eit skjær. Skillelig moro!
Så rundet vi rundt fyret på Varholmen og padlet inn i ei lun vik på store Sandøya, der trente vi litt på redningar og ruller, før vi tok turen til Varholmen og matet saudene, som hadde fått 3 lam, men fleire var på veg. Å vi fikk strekke litt på labbane.
Etter det gikk turen tilbake til Toftestøa, med litt støretak og hengetak trening.
Alt i alt ein glimrandes tur.
Nybegyndaren vi hadde med på tur, var kjempefornøyd etter turen og vart gira på meir padling. So då he vi fått sprett det gode budskap endå meir, Kanon!
Tekst og foto: Tor Inge Warholm
Tur til Vattøya
I dag la Herøy Kajakklubb turen til Vattøya.
Alt klokka 08.00 troppa vi opp ved Osnessanden, klare for tur i det flotte vårveret. Grunnen for den tidlige avgangen var at ein lokal frilansjournalist, som held på å skrive ein artikkel om padling her i området, skulle få utnytte morgenlyset og teke bilder til artikkelen sin. I tillegg til folk frå HKK, var det også med ein del andre padlarar frå området. I alt var vi 11.
Ruta gjekk først over til Håkonsholmen. Der blei vi ønskt velkomne av den lokale befolkninga, ei lita gruppe villsau. Ein av dei hadde to ørsmå lam, som utan å nøle fulgte mora heilt ned i vatnkanten på det bratte svaberget, Det var ikkje fritt for at eg planla "Aksjon Redd Bæ Bæ Lille Lam" der eg satt, men dei små var overraskane stø på beina der dei klivra rundt.
Vidare padla vi gjennom sundet mellom Håkonsholmen og Hatløya.
Sjøen var veldig rolig og fin då vi kom på utsida av Hatløya. Vi bestemte oss difor for å padle vidare utover, forbi Byholmane og til Vattøy.
Det var knapt ei krusning på vatnet, men ute ved Vattøy var det likevel eit visst drag i sjøen, heilt inne ved land. Etter å ha runda Vattøya, syns vi i HKK det var på tide med ein rast på land. Dei andre hadde meir lyst heim, og vende baugen mot Ulsteinvik.
Etter pausa vende vi også baugen heimover. Vi la frå land og padla utover i det Hurtigruta passerte forbi. Enkelte av oss håpte på ein liten surf på kjølvatnet, og padla med vi vann for å fange bølga. Dessverre måtte eg innsjå at min motor kom litt til kort….
Når vi drog kajakkane opp på sanden på Osneset, var klokka nærmare 12, og "alle var enige om at det hadde vore ein fin tur!"
Fotoalbum: Tor Inge Warholm
Kursdatoar for juni er klare!
Komande kurs:
5-6 juni, NPF Grunnkurs, Vigra (snart fuldt)
12-13 juni, NPF Grunnkurs
26-27 juni, NPF Teknikkurs (instruktør Torbjørn Nordeide)
Fleire kursdatoar vil kome utover sommaren, ved behov.
Mvh
Styret HKK
