Etter denne omtalen på ut.no:
“Runde har under hundre fastboende. I hekkesesongen kan innbyggertallet på fugleøya komme opp i nesten 400.000!”
Tenkte vi at det var på tide å ta seg ein tur og helse på dei omtalte innbyggerane.
Vi var ni heldige padlarar som fekk nyte ein strålande dag ved Runde. Vi padla frå Rundebrua og fulgte land via den blå lagune, grottene, langs branden og vidare til fyret. Vi var maks heldige med været, sjøen var rolig og ein nydelig temperatur. Det var faktisk rolig nok til å få utforsket grottene også, men der var det en kaldere gufs innerst inne.
Ved fyret fann vi oss ein lun plass til grilling, god mat og røvarhistorier, før vi returnerte same vegen som vi kom. På tilbakevegen hadde vi håpt på sjøfuglane hadde gjort seg ferdig ut på feltet, men det var dei ikkje, derfor blei det litt mindre fugl enn vi hadde håpt på, men på alle måtar ein vellykka søndagstur. Vi for ta igjen turen ein annan dag, litt meir ut på kvelden, då blir det nok meir fugl.
Tekst og bilde: Tor Inge Warholm og Mildrid flø
. 
