Herøy Kajakk Klubb » Turopplevelser

Kveldstur til Runde

Lillesorte — Wed, 18 Aug 2010 21:05:00 +0000

Til sammen ti personar blei med på ein flott kveldstur til fuglefjellet og fyret på Runde i går kveld. Blandt desse var to gjester frå Israel, som var max heldige med forholda! Det er ikkje mange dagar i løpet av eit år at det ligg til rette for å padle inn i grottene, men i går gjekk det fint. På vegen bort til fuglefjellet snirkla vi oss inn mellom klippene og steinane langs land. Folk som ferdast rundt Runde med vanlig båt går glipp av mykje moro. Sjølv om det var rolig sjø i går, var det akkurat nok drag i sjøen til at vi kunne leike oss i straumane over skjera og mellom klippene. Det er seint på sommaren, så fuglelivet på Runde er ikkje så mangfoldig lenger. Likevel var det flust med skarv å sjå. Det var eit imponerande skue når denne flokken med havsuler tok laust! Det er fleire grotter på Runde. Vi var innom to av dei. Turen rundt Kvalneset baud på ein del meir sjø, sidan vi ikkje lenger var i le bak Branden. Alle kom seg likevel velberga rundt og inn til havna ved fyret. Dette er ikkje lettaste plassen å gå i land, men med godt samarbeid går det fint. Også sjøsettinga etterpå gjekk greitt, sjølv om ein av oss fekk eit ufrivillig bad. Tor Inge si sjøsetting var av det meir kreative slaget. Rett etter at kajakken landa med eit plask, kom også mannen deisande . En liten smak på storhavet, før vi returnerte same vegen som vi kom. Litt utforsking av kriker og kroker blei det tid til på returen også. Rett og slett ein fantastisk flott kveld!

Tekst og bilde: Mildrid Flø www.lillesort.net

Rundetur 17.aug

HKK Admin — Wed, 18 Aug 2010 01:48:08 +0000

Vis fullstendig album

Med besøk fra Terra Santa i Israel var vi tilsammen 10 stk på på tur denne ettermiddagen. Plassen vi brukar å sette ut ifra hadde fått utstasjonert nokren kyr på sommarbeite. Dei virka veldig interesert i padling, faktisk so godt dei begynte å slæike på kajakken min. Men desverre hadde eg ikkje med egna farkost for dei, kansje neste gong

Det var full klaff med været, som resulterte i ein strålande tur til rundebranden og grottene, med mykje snirkling langs land på veien.

Etter Rundebranden tok vi lunsj ved fyren på Runde og fikk strekt litt på beina. Alltid like artig å gå i land der, pga ein må ver litt kreativ med ilandstigningen og hjelpe kvarandre.

Etter rasten gikk ferden tilbake samme vei, med nok ei runde med snirkling langs land. Rundebranden er eit paradis for teknikktrening!

Litt dumt at dei fleste fuglane har reist, men vi for helse dei velkommen neste vår

Alt i alt en gjeng meget fornøgde padlarar.

Takk for turen og på gjennsyn

-mvh-

Tor Inge warholm

Kveldstur rundt Stokkholmen

HKK Admin — Wed, 04 Aug 2010 09:51:00 +0000

legg merke til fisken so hoppar. Ingen delfin, men…..

Bilde: Håvard Haraldson Hatløy

So long, and thanks for all the fish

HKK Admin — Wed, 28 Jul 2010 10:46:39 +0000

is the message left by the dolphins when they departed Planet Earth just before it was demolished to make way for a hyperspatial express route.

Men eg håper at delfinen i Ulsteinvik, ikkje he same utspekulerte planene som dei i “The Hitchhiker’s Guide to the Galaxy”

Delfinsafari er uansett noko som tydeligvis ikkje går av moten i HKK. I denne uka har det vert fleire turar ut for å helse på Delfinen i Ulsteinvik. Å han skuffar ikkje. Legg i med eit spektakulært show kvar gong vi er der. Sist vart det litt bading også ilag med delfinen. Men det var vist med ein virkelig blanda følelse, både gøy og litt skummelt. For han kom mot dei badande med sann ei fart at ein måtte nesten sprelle litt for å jage den.

På turen i går va der også med folk fra New Zealand og USA. Kjekt med besøk frå andre sida av jorda!

Meir bilde kan beskuast i albumet. Det kjem sikkert ein video til i HD om litt.

Vis fullstendig album

Meir delfinsafari…

HKK Admin — Tue, 20 Jul 2010 13:31:56 +0000

Det var mange som følte dei hadde gått glipp av noko når dei fekk høyre om turen vi hadde hatt på laurdag. I kveld bar det difor på delfinsafari igjen! Det tok si tid før delfinen dukka opp, og vi lurte ei stund på om han var reist igjen, men vi fann han til slutt.

Med stort og smått var vi 14 som tok turen på fjorden i kveld.

Delfinsafari

HKK Admin — Sun, 18 Jul 2010 13:26:00 +0000

Dei siste dagane har ein gulflankedelfin halde til i fjorden ved Ulsteinvik. Vi valde difor å legge ut i kano og kajakk, og bruke laurdagskvelden til delfinsafari på fjorden.

Vi speida etter delfinen ei god stund, utan at vi kunne sjå noko til den. Plutselig ropte Trygve at delfinen var ved kajakken hans! Eg trudde først at han tulla, men der var den altså, heilt inntil båten.

Det er nærmast umulig å ta bilete av ein delfin, med mitt aldrande digitalkamera. Når kameraet endelig får tatt biletet, er delfinen vekk, og alt som er att, er ringane i vatnet. Eg valde difor å filme i staden. Kvaliteten er så som så, men her er filmen:

Vi fekk ein fantastisk kveld, som blei kruna med ein nydelig solnedgang!

"Det fins ikkje dårlig vêr…."

HKK Admin — Sat, 17 Jul 2010 13:28:00 +0000

På ein tur for litt sidan, kom det på tale at vi skulle prøvd å fått til ein klubbtur med overnatting snart. Det er ikkje lett å få slikt til å passe for alle som vil vere med, men vi klarte å finne eit par dagar som sto ledige på kalenderen til dei ivrigaste av oss. Når tida nærma seg, såg det i følge yr og storm ikkje ut til at vi skulle få særlig klaff med vêret, men på tur skulle vi, uansett!

Mens vi pakka i kajakkane på Kjeldsund, plaska regnet ned, og når vi endelig var klare for å legge utpå, toppa det seg med lyn og buldrande tordenskrall. Vi lurte nok ein augneblink på om vi burde "snu i tide", men la i veg med friskt mot og klokketru på at vêret ville lette etterkvart.

Og letta gjorde det!

Etter at Dragsundet var passert og vi hadde baugen retta mot Myrvågneset, skein det av og vart sommar!

Vi padla vidare innimellom holmane bortover mot Kristofferholmen, der vi tenkte å ta ei lita ilandstigning i det fine veret. Etter at alle ni i følget hadde kome seg på land, tok det til å regne igjen….

Like fort som sommaren kom, var han borte igjen, og skodda kom mot oss som ein grå vegg. Vi bestemte oss difor for å legge kursen direkte mot Kvitøya, der vi skulle slå leir for natta.

Ved ilandstigninga på Kvitøya, hadde den tjukkaste skodda letta.

Trollsk

Kvelden heldt fram i same stil, med veksling mellom godvêr og høljeregn. Det la likevel ingen dempar på stemninga, og vi kosa oss med god mat og godt selskap.

Med tørr, medbrakt ved, blei det skikkelig leirbål også!

Etter at ungane hadde teke kvelden, kosa vi vaksne oss ved bålet til langt uti dei små timar….

Etter ei god natt med tromming på teltduken, vakna vi til ein strålande dag!

Vi laga god frukost, før vi pakka i båtane og la utpå igjen.

Yes! Ein båt!

Trygve syns det var skikkelig kult å padle på hekkbølgene til dei få båtane som passerte.

Å padle tett inntil land er super teknikktrening…., og veldig gøy!

Pausa tok vi på Veøya.

Undervegs i dag ropte Trygve til meg:

"Mamma! Velt, da!"

"Nei, ikkje no" svarte eg…

"Det er viktig å trene på det!" ropte han tilbake

Trygve er ikkje redd for å trene! På slutten av turen hadde han ei god økt….

…..med hopp frå kajakken

…..og klatring oppi igjen

Dette var første overnattingsturen vi har vore med på i klubbregi, men det blir ikkje den siste! Til tross for vekslande vêrtilhøve har vi kosa oss veldig. Det treng ikkje vere godvêr når ein er kledd for å tåle vatn, og det er vi sjølvsagt når vi padler kajakk.

Med på turen var gemalen og eg med våre tre barn. I tillegg var Eldar, Jan, Elin og Hege med.

Våt kveldstur

HKK Admin — Fri, 25 Jun 2010 13:38:00 +0000

Etter turen på tysdag, der gutane til Elin fekk prøve kajakk for første gong, ante det meg at det ikkje ville bli siste turen deira. Det fekk eg rett i! I dag vart det nemlig tur igjen. Også i kveld la vi turen til Eggesbønesstraumen, sidan vi der har lett tilgong på klubben sine kajakkar.

Det regna ganske tett innimellom, men det såg ikkje ut til å leggje nokon dempar på stemninga.

Gøy å padle seg fast i tangen. Kjem vi oss lause igjen, skal tru?

Pause måtte vi også ha.

Trygve trenar svingteknikk. Han begynner å bli ganske flink!

Sjølv om Straumen ikkje er store området, klarte vi å vere på tur i nesten 4 timar. Vi padla også ein tur under brua, bortover mot Flusund.

Eit naust som nok har sett sine beste dager….

Tauelinene kom godt med i dag også, men ungane blir stadig flinkare til å padle. I morgon skal vi hente ny kajakk til Trygve. Den blir spennande å få prøve

Herøy dykkerklubb testar padling

HKK Admin — Tue, 22 Jun 2010 13:52:00 +0000

Vis fullstendig album

Tirsdag den 22. juni var sentrale delar av Herøy dykkerklubb og Herøy kajakk klubb samla på ein viss terasse på nedre Hjelmeseth, det heile resulterte i ein kjempeflotte tur i straumen som virkelig gav meirsmak til dei som var så heldige at dei kunne bli med.

Dette var forhåpentlig vis starten på eit tettare sammarbeid mellom Herøy kajakk klubb og Herøy dykkerklubb. Sidan det begge er klubbar med forkjerlighet til havet og vakker natur, er det mulig dette blir eit godt sammarbeid.

Straumen

HKK Admin — Tue, 22 Jun 2010 13:39:00 +0000

Sidan vi hadde ein så flott tur i går, frista det veldig å padle i dag også. Dessutan har vi ferie, og då kunne vi ikkje finne nokon god grunn til å la vere. Elin hadde med seg gutane sine, Daniel og Elias, på padletur i dag. Dei har aldri padla kajakk før, så dei var ganske spente, både gutane og mora.

Tor Inge blei også med på tur i dag. Vi la ut frå småbåthavna rett nedanfor huset hans, for å ta ein padletur i Straumen.

Elias var raskt på vatnet, og fann seg straks tilrette i kajakken. Ikkje lenge etter var også Daniel på plass.

Straumen er ein veldig grei plass å prøve seg i kajakk for første gong. Der er skjerma for ver og vind, og ein er aldri langt frå land.

Trygve har vore med ein del gonger no, og har etterkvart forstått at vi har litt sansen for å padle på "uframkomelege" stadar. Vi hadde egentlig ikkje tenkt oss gjennom denne vegen, men når Trygve annonserte at der var eit hol i gjerdet, måtte sjølvsagt Eldar teste om det gjekk an å kome gjennom.

Trygve padla like etter i fin "limbo-stil".

Pause måtte vi også ha, og vi kosa oss med mykje god niste.

På ein av holmane i Straumen ligg eit gamalt falleferdig hus. Det ser nesten ut som eit spøkelseshus.

Trygve og Elias er ikkje spor redd for spøkelser, så dei gjekk i land for å undersøkje litt.

Når dei to gutane skulle ombord i kajakkane igjen, tok Elias sin kajakk overbalanse så han datt i sjøen. Det tok han med knusande ro. Trygve tok jobben med å tøme kajakken mens Elias fekk av seg litt våte klede.

Etter at Elias var komen i kajakken igjen, la vi kursen tilbake til utgangspunktet. Dei tre gutane fekk litt drahjelp frå kvar si slepeline. Trass i våte klede og litt trøtte armer, var det ingen sure miner. Det er nok ikkje siste gongen desse blir med på kajakktur.